Hafsteinn Þorvaldsson löggiltur fasteignasali, ásamt HÚS fasteignasölu kynna í sölu Boðavík 1 sem er nýtt fimm herbergja parhús í byggingu í nýju íbúðahverfi á Selfossi.  Húsið er á einni hæð, byggt úr timbri, klætt að utan með sléttri álklæðningu, bárujárn á þaki sem er valmaþak. Gluggar eru úr ál-tré. Húsið er einstaklega viðhaldslétt að utan. Húsið er 186,3 fm að stærð, þar af sambyggður bílskúr 33,3 fm. Húsið verður afhent 15.maí 2024 tilbúið til spörtlunar. Öll inntaksgjöld eru greidd en einnig er hægt að fá húsið lengra komið samkvæmt nánara samkomulagi.  Hönnun hússins tekur m.a. mið af því að viðhald sé í lágmarki og innra skipulag sett upp með það að markmiði að nýta sem best stærð íbúðar.  Húsið er í göngufæri við nýja grunnskólann Stekkjarskóla.  
Lóð er þökulögð með mulningi í plani og sorpgeymsla er úr forsteyptri einingu.

Nánari lýsing:
Fjögur góð svefnherbergi, anddyri, gangur, tvö baðherbergi, þvottahús og stofa- borðstofa og eldhús í opnu rými og úr því er útgengt út í garð í gegnum yfirbyggða verönd..  Úr forstofu er innangengt í rúmgóðan bílskúr.
Hitalagnir eru steyptar í gólfplötu og húsið því kynt með svæðaskiptum gólfhita.  Lagnagrind er uppsett og tilbúin.  Rafmagnstafla er uppsett og búið að draga í vinnulýsingu.  Gert er ráð fyrir heitum potti í garði og ídráttarrör fyrir lagnir til staðar. Gluggar eru vandaðir og þak er valmaþak.  Gert er ráð fyrir innfeldri lýsingu í loftum sem eru klædd með gipsi og veggir innandyra eru með spónaplötum sem innra lag og gips yrta lag.
Virkilega spennandi eign á fínum stað.

Bókið skoðun - Sýni samdægurs.

Nánari skilalýsing, teikningar og upplýsingar á skrifstofu fasteignasölunnar.

Nánari upplýsingar veita Hafsteinn Þorvaldsson viðskiptafræðingur/löggiltur fasteigna,- og skipasali s. 891-8891, [email protected] 

"Okkar fagmennska eru þínir hagsmunir"       
                                                                                                               
 Gjöld sem kaupandi þarf að standa straum að vegna kaupanna.
1. Stimpilgjöld af kaupsamningi - 0,8 % af heildarfasteignamati.   (0,4% fyrstu kaup, 1,6% lögaðilar)
2. Þinglýsingargjald af kaupsamningi, veðskuldabréfi, mögulegu veðleyfi o.fl. kr. 2700 af hverju skjali.
3. Lántökugjald lánastofnunnar, almennt 0.5 - 1.5 % af höfuðstól skuldabréfs, Nánari upplýsingar t.d. á heimasíðum lánastofnanna.
4. Umsýslugjald til fasteignasölu sbr. Kauptilboð