Loftur Erlingsson löggiltur fasteignasali s.896 9565 og Hús fasteignasala kynna í einkasölu:
- TÆKIFÆRI Í FERÐAÞJÓNUSTU - Efra-Sel Hostel, 157,3fm, 7herb. timburhús við golfvöllinn á Seli í Hrunamannahreppi rétt hjá Flúðum.
6 svefnherbergi, 2 baðherbergi, heitur pottur og pallur, og stutt í golf. Húsið var um tíma í skammtímaleigu á Airbnb en er núna í langtímaleigu þrjá mánuði í senn.
Það var byggt sem einbýlishús með bílskúr en búið er að innrétta tvö rúmgóð herbergi í bílskúrnum og setja þar upp þvottaaðstöðu. Auk þess var bætt við svefnherbergi í einu horni stofunnar inni þegar húsið var sett í útleigu.
Með einföldum hætti mætti þó snúa til baka og útbúa aftur bílskúr og stækka stofuna til fyrra horfs.
Forstofan er flísalögð og úr henni er gengið til vinstri inn í húsið en herbergin í bílskúrnum til hægri.
Minna baðherbergið beint af augum, klætt með þiljum á veggjum og flísum á gólfi. Sturtuklefi þar, upphengt klósett, handlaug á nettum skáp og spegill yfir og gengt út á pall á bak við húsið. Inni er gangur eftir endilöngu húsinu, þrjú svefnherbergi og aðal baðherbergi hússins á hægri hönd en eldhús, stofa og fjórða svefnherbergið á vinstri hönd.
Eldhúsið og stofan í sameiginlegu opnu rými með uppteknu lofti og stórum gluggum til suðurs. Dökk innrétting í eldhúsi og flísar á gólfi en parket í stofu, gangi og herbergjum.
Svefnherbergin eru sem fyrr segir sex talsins, tvö stór frammi með harðparketi á gólfum og litlum vöskum úti í horni, og fjögur herbergi inni, öll með parketi á gólfum og góðir fataskápar í því stærsta sem titlað er hjónaherbergi á teikningu.
Baðherbergið með flísum á gólfi, sturtuklefa, stórum vaski með tveimur krönum, spegli og upphengdu klósetti. Gengt út á pall við pottinn.
Að utan er húsið klætt með Canexel klæðningu, gluggar og hurðir úr tré og ál/tré og bárujárn á þaki. Stór pallur framan við húsið og á bak við hvar potturinn er við skjólvegg.
Á Seli er vinsæll 18 holu golfvöllur og veitingastaðurinn Kaffi-Sel sem er m.a. þekktur fyrir góðar pizzur. Virkilega áhugaverð eign með ýmsa möguleika.Loftur Erlingsson löggiltur fasteignasali veitir allar nánari upplýsingar og sýnir eignina.
S. 896 9565 [email protected] Gjöld sem kaupandi þarf að standa straum að vegna kaupanna:1. Stimpilgjöld af kaupsamningi - 0,8 % af heildarfasteignamati, (0,4% fyrstu kaup) lögaðilar 1,6%
2. Þinglýsingargjald af kaupsamningi, veðskuldabréfi, mögulegu veðleyfi o.fl. kr. 2700 af hverju skjali.
3. Lántökugjald lánastofnunnar. Nánari upplýsingar t.d. á heimasíðum lánastofnanna.
4. Umsýslugjald til fasteignasölu sbr. kauptilboð.
Skoðunarskylda: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Hús fasteignasala því skora á væntanlega kaupendur að kynna sér vel ástand fasteigna fyrir kauptilboðsgerð og leita jafnvel til þar til bærra sérfræðinga um nánari skoðun.