Hús fasteignasala og Snorri Sigurfinnsson löggiltur fasteignasali kynna í einkasölu. Suðurbraut 21 í Tjarnabyggð. Virkilega áhugavert glænýtt fullbúið og viðhaldslétt einbýlishús, 236,4 fm með mjög stórum bílskúr sem er 112,4 fm
Húsið er timburhús klætt með lituðu báruáli, gluggar og hurðir eru ál/tré, og þakkantur úr áli. Litað bárujárn á þaki. Lokaúttekt er nýlega búin. Veggur milli íbúðarhluta hússins og bílskúrs er steyptur.

Lóðin er eignarlóð, 11.470 fm í Tjarnarbyggð milli Selfoss og Eyrarbakka. Lóðin er í um 40 mínutna akstri frá Reykjavík og í um 4 km fjarlægð frá Selfossi.Tjarnabyggð er skemmtilegur kostur fyrir fólk sem vill búa í sveitinni og nýta sér alla þjónustu sem þéttbýlið hefur upp á að bjóða. Árborg og viðkomandi veitur sjá um allan rekstur svæðisins eins og snjómokstur, sorphirðu, skólaakstur, tæmingu rotþróa, heitt og kalt vatn. 

Nánar um Tjarnabyggð:
Heimilt er að byggja allt að 1.500 fm húsnæði á jörðinni og þar af íbúðarhúsnæði allt að 1.000 fm. Samtals byggingarmagn útihúsa og íbúðarhúss skal þó ekki vera stærra en 1.500 fm samtals.
Svæðið er skipt upp í klasa og eru 5-6 lóðir í hverjum klasa. Á milli klasa eru reið- og göngustígar.
Á svæðinu er heimiluð ýmis atvinnustarfsemi tengd landbúnaði í samræmi við aðalskipulag Árborgar.

Nánari lýsing íbúðarhúss. Flísalögð forstofa með fataskáp. Hol/gangur. Eldhús og stofa í opnu og björtu rými, falleg eldhúsinnrétting, hurð út á lóð. Upptekin loft, hljóðdúkur í loftum.  Harðparket á gólfi. Búr við hlið eldhúss. Þrjú góð svefnherbergi, tvö þeirra með fataskápum og hjónaherbergið er með fataherbergi inn af. Flísalagt baðherbergi í hólf og gólf, góð sturta og innrétting. Flísalagt rúmgott þvottahús með innréttingu. Hurð út og innangengt í bílskúr. Hiti er í gólfum hússins með stýringum.
Bílskúr er eins og áður sagði gríðarlega stór. Aksturshurð er ca 3,2x4 m. Upptekin loft. Þrjár gönguhurðir, Salerni í horni bílskúrs. Málað gólf. Fjölbreyttir notkunarmöguleikar.
Ca 15 fm garðhús/geymsla er á lóðinni. Lóðin er afgirt.
Allt vandað og vel gert.

Nánari upplýsingar  veitir Snorri Sigurfinnsson, löggiltur fasteignasali s. 8648090 eða [email protected] og Loftur Erlingsson s. 8969565, [email protected]

Gjöld sem kaupandi þarf að standa straum að vegna kaupanna.
1. Stimpilgjöld af kaupsamningi - 0,8 % af heildarfasteignamati og 1,6% fyrir lögaðila.
2. Þinglýsingargjald af kaupsamningi, veðskuldabréfi, mögulegu veðleyfi o.fl. kr. 2700 af hverju skjali.
3. Lántökugjald lánastofnunnar. Nánari upplýsingar t.d. á heimasíðum lánastofnanna.
4. Umsýslugjald til fasteignasölu

Skoðunarskylda:  Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill HÚS fasteignasala því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.