Steindór Guðmundsson löggiltur fasteignasali 862 1996 og HÚS fasteignasala kynna í einkasölu glæsilegt sumarhús að Hallkelshólum 119, Grímsnes- og Grafningshreppi. Húsið er vandað, fullbúið 131,3 fm ásamt 24 fm gestahúsi. Mjög stór timburverönd með skjólveggjum, heitum potti, köldum potti og infrarauðri saunatunnu.

Veröndin er á tveimur pöllum sem tengir saman húsið og gestahúsið. Á efri pallinum er rafmagnsheitapottur, kaldur pottur, infrarauð saunatunna og grillskýli. Á neðri pallinum er hlaðið eldstæði. Á veröndinni er lýsing og útihátalarar. Veröndin er rúmlega 300 fm. Bílaplanið er stórt malarborið með lýsingu. Lóðin er um 10.000 fm leigulóð. Virkt sumarhúsafélag er á svæðinu. Rafmagnshlið er inn í hverfið.

Nánari lýsing:
Komið er inn í stórt anddyri þar sem er skápaveggur, útgengi út á verönd um rennihurð. Stofa og eldhús er opið í eitt, þar er upptekið panilklætt loft. Gólfsíðir gluggar og rennihurð út á verönd. Arinn er í stofu. Grá/brún eldhúsinnrétting með granítborðplötu er í eldhúsinu. Þrjú svefnherbergi. Baðherbergi með flísalögðum sturtuklefa, tengi fyrir þvottavél og þurrkara, upphengt salerni. Á baðinu er innrétting með granítborðplötu. Útgengt er á verönd úr baðherbergi. Náttúruflísar eru á öllum gólfum með gólfhita með nýju hitastýringakerfi. Allar innréttingar eru frá Agli Árnasyni. Nýjar hvítar innihurðir. Húsið hefur nýlega verið málað bæði að utan og innan.

Grunnflötur hússins er 120,7 fm auk 10,6 fm geymslu í kjallara og frístandandi 24,0 fm gestahús alls 155,3 fm. Húsið er byggt árið 2008 úr timbri og er klætt að utan með standandi og liggjandi bandsagaðri furu. Á þaki er litað járn. PVC gluggar eru í húsinu. Steyptur sökkull og gólfplata. Gólfhitalagnir með stýringum. Undir hluta hússins er 10,6 fm steinsteypt geymsla. Þar er lagnakerfi hússins. Stór nýr hitakútur fyrir neysluvatn.

Gestahúsið er byggt úr timbri árið 2011 og er það í sama stíl að utan og húsið. Nýlegt harðparket er á gólfi ásamt gólfhita. Á baðherberginu er upphengt wc, innrétting með vaski og nýr sturtuklefi.

Nánari upplýsingar veitir Steindór Guðmundsson löggiltur fasteignasali s. 862 1996  steindor@husfasteign.is  

,,Okkar fagmennska eru þínir hagsmunir"       
                                                                                                          
 Gjöld sem kaupandi þarf að standa straum að vegna kaupanna.
1. Stimpilgjöld af kaupsamningi - 0,8 % af heildarfasteignamati.   (0,4% fyrstu kaup, 1,6% lögaðilar)
2. Þinglýsingargjald af kaupsamningi, veðskuldabréfi, mögulegu veðleyfi o.fl. kr. 2.700 af hverju skjali.
3. Lántökugjald lánastofnunnar, breytilegt. Nánari upplýsingar t.d. á heimasíðum lánastofnanna.
4. Umsýslugjald til fasteignasölu sbr. kauptilboð.
Gjöld sem kaupandi þarf að standa straum að vegna kaupanna.